Dakpan sa mga personahe sa Agusan del Norte Provincial Intelligence Unit (PIU) ang duha ka lalaki atol sa gilusad nga drug buy-bust operation sa Purok 7, Bandol, Barangay La Union, Dakbayan sa Cabadbaran.
Giila ang mga gidakpan nga si alyas Kris, 20 anyos, residente sa Purok 8, Barangay Sto. Rosario, Magallanes, nga gikatahong target sa operasyon, ug si alyas San, 37 anyos, residente sa Purok 6, Barangay Marcos, Magallanes, nga maoy drayber sa gigamit nga motorsiklo. Narekober gikan sa operasyon ang upat ka sachet sa gidudahang shabu ug 500 pesos nga marked money.
Gidala ang duha ka suspek sa Cabadbaran Component City Police Station alang sa tukmang dokumentasyon ug dugang nga imbestigasyon. Para atubangon ang kasong kalapasan sa Republic Act 9165 o Comprehensive Dangerous Drugs Act of 2002 batok sa mga gidakpan.
