Gipangandaman sa Lokal nga Panggamhanan sa Kapalong sa pag-apil sa Davao del Norte International Halal Expo o DIHEX 2026 pinaagi sa pagpahigayon og presentasyon sa roadshow niadtong milabay nga adlaw sa Conference Room Executive Building, LGU Compound, Kapalong Davao del Norte.
Gipresentar sa mga piniling opisyal ang mga detalye sa maong expo ug ang mga oportunidad nga mahimo niining mahatag ngadto sa lokal nga mga producer ug negosyante. Sumala pa nga dili lamang halal nga pagkaon ang ipasundayag sa DIHEX 2026, kondili lakip usab ang nagkalain-laing produkto nga adunay potensyal nga mapalambo, mapauswag ang pagbaligya ug mapaila sa mas lapad nga merkado.
Mitambong sa presentasyon si Mayor Edgardo L. Timbol uban sa mga opisyal sa lungsod diin ilang gipasiugda ang kamahinungdanon sa pagpangita og bag-ong oportunidad aron mapalambo ang lokal nga mga abot ug ani, mapalig-on ang mga negosyo ug maablihan ang mas lapad nga merkado alang sa mga produkto sa nasangpit nga munisipalidad.
Photo Courtesy: Kapalong InfoCenter
