Gipang-apod-apod sa Department of Social Welfare and Development (DSWD), pinaagi sa Pantawid Pamilyang Pilipino Program (4Ps), ug Department of Environment and Natural Resources (DENR) ang 10,800 ka managlahing matang sa semilya sa kahoy ngadto sa mga benepisyaryo sa lungsod sa San Miguel, Surigao del Sur niadtong nakalabay nga adalaw.
Katabang sa maong inisyatibo ang San Miguel Municipal Environment and Natural Resources Office (MENRO) ug ang unom ka mga barangay sa maong lungsod nga naglakip sa Patong, Poblacion, Libas Gua, Sagbayan, Mahayag, ug Siagao. Lakip sa mga gihatag mao ang mga semilya sa mga kahoy nga Mamunga og prutas.
Tuyo sa maong kalihokan nga palapdan ang reforestation, palig-onon ang proteksyon sa kalikopan, ug dasigon ang mga pamilyang benepisyaryo nga mosalmot sa mga pagpananom og kahoy. Gipakita sa maong proyekto ang hiniusang pwersa sa gobyerno ug komunidad alang sa pagpatunhay sa kinaiyahan.
Photo courtesy:PIA Surigao del Sur
