Sikop sa hiniusang pwersa sa Police Regional Office 13 ug Philippine Army ang kanhi vice- commander ug Political Adviser sa Communist Terrorist Group (CTG) nga taga Surigao del Sur, niadtong Oktubre 17 sa Purok 5, Villa Kananga, Butuan City, Agusan del, Norte.l
Gikumpirma ni PBGen Rolindo M. Suguilon, ang direktor sa PRO13, nga ang suspetsado nga giila sa alyas nga “Kenny/Tikoy” nalista isip number four Most Wanted Person (MWP) sa probinsya sa Surigao del Sur. Gihimo ang operasyon sa mga personahe sa Cagwait Municipal Police Station, inabagan sa mga tropa sa 36th Infantry Battalion ug 4th Infantry Division sa Philippine Army.
Si Alyas “Kenny/Tikoy” gidakop pinasikad sa mga warrant of arrest alang sa mga kasong Frustrated Murder (Criminal Case No. 19-3583) nga adunay piyansa nga PhP200,000.00; Attempted Murder (Criminal Case No. 19-3585) nga adunay piyansa nga PhP120,000.00; ug Robbery (Criminal Case No. 21-3903) nga adunay piyansa nga PhP48,000.00. Ang tanang warrant gi-isyu sa 11th Judicial Region, Branch 28, Lianga, Surigao del Sur.
Base sa rekord sa kapulisan, ang dinakpan nagsugod sa iyang kalambigitan sa CTG niadtong Pebrero 15, 2002. Nalista siya sa Periodic Status Report isip Vice-Commanding Officer sa Regional Operational Command, Political Adviser, ug miyembro sa Regional Sentro de Grabidad (RSDG) sa North Eastern Mindanao Regional Committee (NEMRC) nga naglihok sa mga probinsya sa Surigao del Sur, Surigao del Norte, Agusan del Sur, ug Agusan del Norte.
Matod ni PBGen Suguilon, magpadayon ang PNP Caraga sa pagpaigmat uban sa ubang ahensya aron dakpon ang mga wanted nga miyembro ug tigpaluyo sa CTG. Tuyo niini nga mapadayon ang Stable Internal Peace and Security (SIPS) sa rehiyon sa Caraga ug masiguro nga walay pagbalik sa insurhensya sa bisan asa nga dapit.
Photo courtesy:Police Regional Office 13
