Magatipon ang mga Martial Arts Athletes sa Tacurong City para sa 2nd South Central Mindanao Judo and Wushu Sanda Championship 2026 sa Oktubre 24 tubtob 25 sa Barangay San Pablo Gymnasium.
Ang kompetisyon ginahiwat sang City Government sang Tacurong, sa pagbinuligay sang Family Jae’ger Mix Judo Club kag South Central Mindanao Mix Judo Association. Ginalauman nga magpakita sang ila abilidad, kusog, kag disiplina ang mga partisipante sa nagkalain-lain nga Martial Arts matches.
Ang duha ka adlaw nga championship nagatinguha man nga mapauswag ang interes sa Judo kag Wushu Sanda, kag maghatag sang kahigayunan sa mga atleta nga ipakita ang ila talento sa kompetisyon. Ginaagda ang publiko nga magtambong kag magsuporta sa mga atleta sa sini nga sporting event sa Tacurong City.
Photo courtery: City Government of Tacurong
