Sikop sa mga awtoridad ang tulo ka giingong High-Value Targets (HVTs) human sa malampusong operasyon batok sa ilegal nga droga niadtong nakalabay nga adlaw, didto sa P-4 Sabang, Poblacion, Lianga, Surigao del Sur.
Gipahigayon ang maong operasyon sa Lianga Municipal Police Station (MPS) ubos sa pamunoan ni PCPT Micko Alunan S. Ampatuan, kauban ang Philippine Drug Enforcement Agency (PDEA).
Nakompiska gikan sa mga dinakpan ang gibanabanang unom ka gramo sa gidudahang shabu nga nagkantidad og ₱40,800.00, lakip na ang duha ka giabrihang sachet nga adunay lama sa puti nga kristal nga substansya nga gituohang gigamit sa usa ka drug session.
Sa kasamtangan, ang mga dinakpan ug ang mga narekober nga ebidensya anaa na sa kustodiya sa Lianga MPS alang sa dugang imbestigasyon ug saktong disposisyon.
photo courtesy:Pulis Sa Lianga
