Opisyal na nga ginlunsar ang 2026 Dalagan Para sa Kabataan, isa ka fun run nga nagatinguha nga mapataas ang kaamguhan sang publiko kag mapalig-on ang kampanya batok sa Child Labor sa Rehiyon Dose.
Ang aktibidad gin-organisar sang Department of Labor and Employment ukon DOLE Regional Office 12, sa pagbinuligay sang FFWSCI kag sang lokal nga panguluhan sang Tacurong City.
Bukas na ang rehistrasyon para sa mga interesado nga magpartisipar sa sini nga dalagan nga may katuyuan nga suportahan ang pagpugong kag pagdula sang Child Labor sa rehiyon.
Gin-agda ang publiko, ilabi na ang mga mahilig magdalagan, nga mag-upod kag magpakita sang suporta para sa kinamatarong kag kaayuhan sang mga kabataan. Ang dugang nga detalye kag rehistrasyon mahimo makita pinaagi sa opisyal nga registration link sang aktibidad.
Photo courtesy: City Government of Tacurong
