Herido El Un Ventero De Saging, Despues Con Este Lancia El Suspechao Na Governor Lim Avenue, Barangay Zone 1 En Este Ciudad. Con El Victima Ya Identifica Como Si Tammy Nurmini Tungupon,25-Anyos Soltero Y Residente De Lustre Drive, Barangay Sta. Barbara.
Mientras Con El Maga Suspechao Ya Identifica Como Canda Bensar Abdulmaid Abubakar, 19-Anyos Soltero Y Si Alvin Jau Hajid,33-Anyos Soltero Ambos Residente Des Del Barangay Tetuan En Este Ciudad.
Na Inisyal Report Ta Aparece, Ta Bende Saging El Victima Na Mencionao Lugar, Cuando Derefente Segun Ya Atraca El Dos Suspechao Y El Uno Suspechao Ya Agara El Mano Del Victima, Mientras Ta Precura Escapa El Victima Derefente Con Este Ya Lancia Tambien Na Costao El Uno Pa Suspechao
Ademas Ya Puede Pa Core El Victima Para Na Estacion Del Ps-11 Para Pidi Asistencia, Donde Enseguidas Ya Llama Ambulancia El Pulis Para Lleva Con El Victima Na Sercanos Hospital Para El Curada Medical.
Durante El Follow-Up Operation Del Maga Otoridad, Exito Ya Puede Aresta Con El Dos Suspechao Y Detenido Ya Ahora Na Mencionao Estacion Del Pulis Para El Propio Despocicion.
