Nasikop sa kapulisan ang usa ka suspek nga nailhan sa alyas nga “Jo” atol sa buy-bust operation sa Purok Santan, Barangay Gamut, lungsod sa Tago, Surigao del Sur, niadtong nakalabay nga adlaw.
Ang operasyon gipahigayon sa mga sakop sa Tago Municipal Police Station (Tago MPS), ubos sa pagpangulo ni PCPT Michael G. Quisaot, sa pakigtambayayong sa Philippine Drug Enforcement Agency (PDEA).
Narekober gikan sa suspek ang lima ka sachet sa gituohang shabu nga adunay kinatibuk-ang gibug-aton nga usa ka gramo ug gibanabanang kantidad nga 6,800 pesos. Nakuha usab ang 1,000 pesos nga gigamit isip buy-bust money.
Ang suspek ug ang mga ebidensya gidala na sa Tago MPS alang sa tukmang dokumentasyon ug pagpasaka sa angay nga kaso.
