Nasikop sa buy-bust operation sa kapulisan ang usa ka suspek nga giila sa alyas “Jonel” sa Barangay Cagangohan, Panabo City, Davao del Norte, alas 4:07 sa hapon niadtong Oktubre 20, 2026.
Gipahigayon ang operasyon sa mga personahe sa Panabo City Police Station, ubos sa pagdumala ni PLTCOL Ronald L. Lao, Officer-in-Charge, kauban ang mga personahe sa 2nd DNPMFC ug Philippine Drug Enforcement Agency o PDEA Davao del Norte. Gidakop ang suspek human kini mapalitan og gidudahang shabu sa usa ka pulis nga nagpakaaron-ingnong poseur buyer.
Narekober sa operasyon ang unom ka pakete nga adunay gidudahang shabu nga may gibug-aton nga 11.8 gramos ug gibanabanang kantidad nga P80,240, base sa Standard Drug Price.
Sa pagkakaron, anaa na sa kustodiya sa Panabo City Police Station ang suspek alang sa dokumentasyon ug tukmang disposisyon. Gipasabot usab kaniya ang iyang mga katungod ubos sa onstitusyon, samtang mag-atubang siya og kasong paglapas sa Republic Act No. 9165 o Comprehensive Dangerous Drugs Act of 2002.
Photo Courtesy: PCPS
