Gipahigayon ang orientation sa 26 ka bag-ong aplikante sa Technical Education and Skills Development Authority o TESDA Davao del Norte, alang sa accreditation isip Competency Assessor sa nagkalain-laing kwalipikasyon niadtong Oktubre 19, 2026, sa TESDA Davao del Norte Provincial Office, E-Park, Apokon, Tagum City.
Tumong sa maong oryentasyon nga ipasabot sa mga aplikante ang mga kinahanglanon, polisiya ug pamaagi sa pagkuha sa accreditation, lakip ang mga katungdanan ug responsibilidad sa usa ka competency assessor.
Pinaagi sa maong kalihokan, gihatagan ang mga aplikante og kahigayonan nga mas masabtan ang proseso sa accreditation ug ang mga sumbanan nga kinahanglang sundon sa mga assessor nga akreditado sa TESDA.
Gipasiugda usab sa kalihokan ang kamahinungdanon sa patas, kasaligan ug dekalidad nga pag-assess sa kahanas aron masiguro ang kalidad sa mga serbisyo sa Technical-Vocational Education and Training o TVET sa probinsiya.
Photo Courtesy: TESDA Davao Region
