Giklaro sa Philippine Drug Enforcement Agency Region 10 o PDEA-10 nga dili awtomatikong nagpasabot sa pagdaghan sa suplay sa ilegal nga droga ang pagbarato sa presyo sa shabu sa merkado.
Kini human mipadayag ang pipila ka mga kapitan sa Cagayan de Oro City nga makapalit na karon og shabu sa kantidad nga 100 hangtod 150 pesos matag sachet.
Matud ni PDEA-10 Regional Director Alex M. Tablate, daghang hinungdan ang angay ikonsiderar sa pag-usab-usab sa presyo, lakip na ang mga pamaagi sa mga tigbaligya sa ilegal nga droga.
Gidugang ni Tablate nga walay pasilidad sa paghimo og shabu sa Northern Mindanao, ug ang suplay niini nagagikan sa gawas sa rehiyon, nga usa sa mga hinungdan nga makaapekto sa presyo niini.
Photo courtesy: PDEA Dyes
