Naimbargohan sa pistola ug lima ka buhing bala ug kutsilyo sulod sa bag sa usa ka nuebe anyos nga estudyante sa elementarya sa Opol, Misamis Oriental.
Sumala sa Police Regional Office 10, nahitabo ang insidente niadtong Oktubre 21 human mitaho ang mga klasmeyt sa bata ngadto sa ilang magtutudlo nga nagpakita og Swiss knife.
Sa pagsusi sa bag, nadiskobrehan ang usa ka kalibre .380 nga pistola ug magasin nga adunay lima ka bala. Dali nga mitubag ang kapulisan sa Opol ug nakigkoordinar sa Municipal Social Welfare and Development Office alang sa hustong pag-atiman sa bata.
Sa pagkakaron, gipadayon ang imbestigasyon aron mahibaw-an kon kinsa ang tag-iya sa armas ug giunsa kini pagdala sa bata. Giawhag sa PRO 10 ang mga ginikanan nga sigurohon nga luwas ug dili maabot sa mga bata ang mga armas.
Photo courtesy to: Barangay Barra, Kagawad Manny Bersabal
