Gimandoan ni Cagayan de Oro City Police Office Director Police Colonel Dexter Paje ang mga kapolisan nga hugot nga bantayan ang seguridad sa mga tunghaan ug ang kaluwasan sa mga estudyante, ilabi na sa panahon sa pagbukas sa mga klase.
Gipadayag ni Police Major Romel Ejem, station commander sa Police Station 10, nga nakapokus karon ang ilang pagbantay sa dagkong mga eskwelahan ug sa mga tunghaan diin nagkatagbo ang nagkalainlaing grupo sa mga estudyante.
Tumong sa lakang nga mapugngan ang posibleng panagbangi ug kapintasan sulod ug palibot sa mga eskwelahan. Gipahugtan ang maong pagbantay human sa insidente sa Macabalan Elementary School diin usa ka elementary student ang gikataho’ng dunggaban.
Pinaagi sa padayon nga koordinasyon sa kapulisan, mga opisyal sa eskwelahan ug lokal nga kagamhanan, gilaoman nga mapalig-on ang kalinaw ug kaluwasan sa mga estudyante.
Photo courtesy: PNP Cagayan de Oro CPO Police Station 10
