Patay ang isa ka 44-anyos nga lalaki matapos ginlaslas sa liog sang iya 27-anyos nga kainuman kag kabarangay sa Sitio Lanao, Lebak, Sultan Kudarat, sang Domingo sang udto, Oktubre 19, 2026.
Suno sa Lebak Municipal Police Station, nagainuman ang duha sang nagbaisay sila nga nagresulta sa mainit nga diskusyon. Sa tunga sang ila pagbinaisay, nagkuha suno pa sang itak ang suspek kag ginlabo ang biktima, nga gilayon nga napatay sa lugar sang insidente.
Matapos ang insidente, boluntaryo nga nagsurrender ang suspek sa mga opisyal sang barangay. Padayon naman ang imbestigasyon sang kapulisan agud mahibaluan ang motibo sa likod sang krimen kag mapat-od ang bug-os nga mga sirkumstansya sang insidente.
