Nakabalik na sa lalawigan sa Surigao del Norte si Vice Governor Eddie Geed D. Gokiangkee Jr., human makompleto ang Multilevel Water Governance Training sa The Hague Academy for Local Governance, bit-bit ang bag-ong kahibalo ug mga pamaagi nga mahimong magamit sa pagpalambo sa serbisyo publiko.
Gipasiugda ni VG Gokiangkee, ang pag-salmot sa maong pagbansay dili lamang alang sa personal nga pagkat-on, kondili usa usab ka pasalig nga ipaambit ug magamit ang mga nakat-onan alang sa kaayohan sa katawhan.
Tumong sa maong pagbansay nga mapalawom ang pagsabot sa maayong pagdumala sa tubig, lakip ang pagpalambo sa mga pamaagi aron masiguro ang luwas ug malungtarong suplay sa tubig alang sa komunidad.
Gilaoman nga ang mga bag-ong nakat-onan ug panan-aw mahimong makatabang sa pagpalig-on sa mga programa ug polisiya nga may kalabotan sa pagdumala sa tubig ug pagpanalipod sa kinaiyahan sa Surigao del Norte.
Gipasalig usab sa opisyal nga gamiton ang maong kahibalo aron makatampo sa mas luwas, lig-on ug maayong kaugmaon sa mga Surigaonon.
Photo courtesy: Geed Gokiangkee
