Plano sa Department of Finance (DOF) nga paubsan sa 2 porsyento ang bayranan O remittance fee sa Pilipinas sa mga Overseas Filipino Workers (OFWs). Matud ni Finance Secretary Frederick Go, anaa sa 6.3 porsyento ang kasagarang remittance fee base sa datos sa World Bank.
Pinaagi niini, mas dako nga bahin sa hinaguan sa mga OFW ang direktang madawat sa ilang mga pamilya sa Pilipinas. Bag-ohay lang, nakigtagbo si Go sa mga international payment firm nga Swift ug Revolut atol sa 2026 IMF-World Bank Annual Meetings sa Bangkok, Thailand, aron hisgutan ang mas paspas, mas barato ug mas transparent nga pamaagi sa pagpadala og kwarta.
Matud ni Go, angay nga matabangan ang mga Pilipinong nagtrabaho sa gawas sa nasud pinaagi sa patas ug mas ubos nga remittance fee.
Photo courtesy: www.dof.gov.ph
