Gisuportahan sa Department of Finance (DOF) ang bag-ong mga lagda nga gipagawas sa Securities and Exchange Commission (SEC) nga nagtumong sa pagpalig-on sa stock market sa Pilipinas ug sa pagdani og dugang nga mga investors sa nasud.
Gipasiugda ni Finance Secretary Frederick Go nga ang maong reporma mahimong magpalapad sa oportunidad sa mga negosyo nga makatigom og puhunan ug makatabang sa mas paspas nga pagpalambo sa ekonomiya. Ubos sa bag-ong lagda, mahimong moapil isip market makers ang mga kwalipikadong trading firms nga adunay labing menos ₱150 milyon nga unimpaired paid-up capital, basta matuman ang mga giset nga kinahanglanon sa SEC ug sa may kalabotang stock exchange.
Ang mga market makers motabang sa pagpasayon sa pagpalit ug pagbaligya sa mga securities pinaagi sa paghatag og buying ug selling quotations. Naglakip usab sa maong reporma ang pagpaubos sa transaction fees ug ang paghatag og liquidity rebates aron madasig ang pag-apil sa mga kwalipikadong kompanya. Nagbutang usab ang SEC og mas gipahugtan nga mga lagda sa disclosure, recordkeeping, ug reporting aron mapanalipdan ang mga investors ug mapadayon ang integridad sa merkado.
Photo courtesy: Alamy
