Gipahigayon sa Davao Oriental Provincial Internal Affairs Service (DOPIAS) ang IMPLAN SALIKOP sa Davao Oriental Maritime Police Station sa Bilawan II, Barangay Central, Dakbayan sa Mati, niadtong milabay nga adlaw.
Ang maong kalihokan gipangunahan ni PMAJ Dante B. Romero, Officer-in-Charge sa DOPIAS, diin gipahigayon ang pisikal nga pag-ihap sa mga personahe, inspeksyon sa mga uniporme ug personal nga panagway, ug pagsusi sa ilang mga kwalipikasyon ug rekord sa pagbansay.
Gisusi usab ang kalimpyo sa opisina ug mga pasilidad sa kampo, kahimtang sa mga armas, sakyanan ug kagamitan sa kapulisan ingon man ang mga lakang sa seguridad, lakip ang Camp Defense Plan, pag-andar sa mga CCTV ug mga pamaagi sa pagbantay.
Tumong niini nga masiguro ang pagsunod sa mga polisiya sa PNP, mapalig-on ang disiplina ug tulubagon sa mga personahe, ug masuta ang kaandam sa estasyon sa pagtuman sa ilang mga buluhaton.
