Gipahigayon sa Davao Oriental Electric Cooperative, Inc. (DORECO) ang pag-instalar og tulo ka Automatic Voltage Regulator (AVR) sa Sta. Maria, Poblacion, Manay, Davao Oriental.
Tumong niini nga mapaayo ang pagkontrol sa boltahe ug masiguro ang mas lig-on ug kasaligan nga suplay sa kuryente alang sa mga miyembro-konsumidor sa maong lugar.
Pinaagi sa padayong pagpaayo sa mga pasilidad sa distribusyon sa kuryente, gipasalig sa DORECO ang paghatag og mas maayong serbisyo ug kasaligan nga suplay sa elektrisidad sa mga komunidad nga ilang gialagaran.
Photo courtesy: DORECO
