Gipahibalo sa Bases Conversion and Development Authority o BCDA ang dakong plano sa pagpauswag sa Camp John Hay sa Baguio City, nga mokantidad og bilyones ka piso.
Sumala kang BCDA President ug Chief Executive Officer Joshua Bingcang, target nilang ipasubasta sa kataposan sa tuig ang dugayng kontrata sa pagdumala ug pagmentinar sa John Hay Golf Course.
Gikinahanglan usab nga mogahin ang mapiling pribadong investor og dili moubos sa ₱500 milyones alang sa pagpaayo sa pasilidad.
Ang maong proyekto kabahin sa paningkamot sa BCDA nga mapalambo ang kanhing base militar sa Amerika ug mapalig-on ang turismo ug ekonomiya sa Baguio City.
