Gipagawas sa Land Transportation Franchising and Regulatory Board o LTFRB ang 1,200 ka special permits alang sa mga provincial bus sa tibuok nasud, isip pagpangandam sa gipaabot nga pagdaghan sa mga pasahero karong Undas 2026.
Sumala kang Department of Transportation Secretary Giovanni Lopez, posibleng dugangan pa ang mga permit depende sa panginahanglan sa mga bus operator.
Gipasiguro usab sa DOTr nga adunay igong transportasyon alang sa mga pasaherong mopauli sa ilang probinsiya. Samtang, gipakusog ang pagmonitor sa mga bus terminal, pantalan ug tugpahanan aron masiguro ang kahapsay sa biyahe.
Giawhag usab ni Lopez ang publiko nga sayong mopalit og tiket aron malikayan ang taas nga pagpila ug kalangan sa mga terminal.
