Nagkaduol na ang Super Typhoon Champi (internasyonal nga ngalan) nga sa pagkakron nagpabilin sa gawas sa Philippine Area of Responsibility (PAR) ug posibleng mosulod sa nasud karong Martes, sumala sa PAGASA niadtong Domingo.
Matod sa weather specialist sa PAGASA nga si Dan Villamil, sa higayon nga mosulod kini sa PAR, hatagan kini sa lokal nga ngalan nga “Rosal.” Ang Champi katapusang nakita 2,090 ka kilometro sa sidlakan sa Southeastern Luzon.
Sa pagkakaron, nagdala kini og hangin nga adunay gikusgon nga 185 ka kilometro matag oras, uban ang mga paghuros nga moabot hangtod sa 230 ka kilometro matag oras. Naglihok kini paingon sa kasadpan-amihanan-kasadpan sa gikusgon nga 25 ka kilometro matag oras.
Gipahayag sa PAGASA nga ang Champi dili pa makaapekto sa nasud samtang anaa pa kini sa gawas sa PAR; apan, sa higayon nga mosulod kini karong Martes, mahimo kining makaapekto sa dakong bahin sa Northern Luzon sa ulahing bahin sa semana. Gilauman usab ang pag-ulan sa pipila ka bahin sa Cagayan Valley ug sa amihanang bahin sa Ilocos Region.
Samtang, ang Metro Manila ug ang ubang bahin sa nasud makasinati og kahimtang sa panahon nga medyo madag-umon ngadto sa madag-umon, uban ang mga pat-ak-pat-ak nga pag-ulan o mga thunderstorm.
Photo courtesy: Mindanao Weather Update
