Misalmot si PCOL Leo De Leon Sua, Provincial Director sa Lanao del Norte Police Provincial Office (LDN PPO), sa ika-49 nga Founding Anniversary sa 44th Infantry (Agile N’ Stable) Battalion sa Philippine Army niadtong Oktubre 20, 2026.
Gipahigayon ang selebrasyon sa hedkuwarter sa batalyon sa Barangay Banka, Baloi, Lanao del Norte, ubos sa temang “From Valor We Came, Through Honor We Remain.”
Gitambongan usab kini ni MGEN Yegor Rey P. Barquilllo Jr., PA, Commander sa 1st Infantry (TABAK) Division, isip Guest of Honor and Speaker, kauban si LTC Jeremy O. Damonsong, Commanding Officer sa 44th Infantry Battalion, Commander Abdullah “Bravo” Macapaar sa Moro Islamic Liberation Front (MILF), uban pang opisyal sa Philippine Army ug nagkalainlaing stakeholders.
Lakip sa mga kalihokan ang paghatag og mga pasidungog sa mga personnel nga nagpakita og talagsaong performance sa ilang katungdanan, ingon man ang pag-ila sa mga stakeholders nga mitabang sa pagtuman sa misyon sa batalyon.
Sumala sa LDN PPO, ang ilang pag-apil sa maong selebrasyon nagpalig-on sa kooperasyon tali sa Philippine National Police (PNP), Armed Forces of the Philippines (AFP), ubang ahensiya sa gobyerno ug mga stakeholders aron mapadayon ang kalinaw ug seguridad, mapalambo ang panaghiusa, ug mapalig-on ang kaluwasan sa publiko ug kalamboan sa komunidad sa tibuok Lanao del Norte.
Photo Courtesy: PNP Lanao del Norte
