Naningkamot ang lokal nga panggamhanan sa Iligan City nga maprotektahan ang mga Lumad o Indigenous Peoples (IPs), sa ilang mga katungod lakip ang ilang yutang kabilin, kultura ug tradisyon. Gihisgotan kini atol sa press conference nga kabahin sa ika-29 nga anibersaryo sa Indigenous Peoples’ Rights Act (IPRA) o Republic Act No. 8371.
Alayon niini, gigisgutan ang kamahinungdanon sa panag-alayon tali sa kagamhanan ug sa gibanabanang 30,000 ka lumad sa dakbayan. Matod sa mga lider sa IP, dakong tabang ang aktibong pag-apil sa komunidad, tukmang pag-ihap sa populasyon ug pagtuman sa proseso sa Free, Prior, and Informed Consent (FPIC) aron mas mapalambo ang paghatag sa batakang serbisyo ug panginabuhian sa mga lumad sa kabukiran ug kabaybayonan.
Padayon nga gipasalig ni Indigenous Peoples Mandatory Representative (IPMR) Konsehal Renandang Comonog nga magpadayon ang lokal nga panggamhanan sa pagtabang sa mga lumad ug sa pagpanalipod sa ilang mga katungod, yuta ug kultural nga panulondon.
Photo courtesy: City Information Office Illigan City
