Gikumpirma sa kagamhanan sa Nigeria ang usa ka kaso sa Ebola virus sa kapital nga Abuja, human mapamatud-an pinaagi sa laboratory examination ang impeksyon sa usa ka babaye. Sumala kang Health Minister Muhammad Ali Pate, ang pasyente adunay kasaysayan sa pagbiyahe sa Uganda sa East Africa.
Gibutang na sa isolation ang babaye ug kasamtangang nagdawat og medikal nga pag-atiman. Samtang, 44 ka tawo nga posibleng nakaduol o nakakontak sa pasyente ang nailhan na sa mga otoridad pinaagi sa contact tracing.
Gipakusog usab sa health authorities ang pagbantay ug mga lakang aron mapugngan ang posibleng pagkaylap sa makamatay nga Ebola virus.
Photo courtesy: Africa News
