Gibutyag sa internasyonal nga singer ug aktres nga si Selena Gomez nga naapektuhan ang iyang tingog tungod sa kanunay nga paggamit og vape nga adunay nicotine.
Sa iyang Instagram Stories, giangkon ni Gomez nga lisod undangon ang vaping tungod sa pagkaadik sa nicotine. Gipahimangnoan usab niya ang publiko, ilabina ang mga batan-on, nga likayan ang maong bisyo tungod sa posibleng kadaot niini sa panglawas.
Gikumpirma sa singer nga mihunong na siya sa paggamit og vape ug naglaum nga mapadayon ang iyang paglikay niini. Gidasig usab ni Gomez ang mga tawo nga naningkamot sa pag-undang sa maong bisyo nga dili mawad-an og paglaum.
Photo courtesy: Yahoo Health
