Gibalikan sa Sparkle actor nga si Anton Vinzon ang iyang mga sakripisyo ug kasinatian sa seryeng Kamao niadtong Biyernes. Pinaagi sa iyang Instagram Reel, gipakita sa aktor ang iyang abilidad sa boxing ug ang mga pagbansay nga iyang giagian alang sa karakter nga si Makmak.
Matod ni Vinzon, dili lamang ordinaryong papel ang iyang pagpakita sa serye, kondili usa ka panaw nga dili niya malimtan. Gipasiugda usab niya ang kakapoy, mga pagsulay ug mga handumanan nga nahimong bahin sa iyang pag-arte.
Alang sa aktor, ang maong kasinatian nagbilin og dakong leksiyon sa pagkamalahutayon, disiplina ug dedikasyon sa iyang propesyon.
Photo courtesy: Antonio Vinzon fb page
