Mobalik si Dante Alinsunurin isip head coach sa Philippine men’s national volleyball team human gipahibalo sa Philippine National Volleyball Federation (PNVF) ang pagbag-o sa liderato sa Alas Men ug Alas Women.
Sumala sa executive director sa PNVF nga si Atty. Miguel Carlos Pacifico Suarez, si Alinsunurin masaligan pag-usab sa pagpangulo sa Alas Men, pito ka tuig human niya gipangulohan ang team ngadto sa makasaysayanong silver medal sa ika-30 nga Southeast Asian Games niadtong 2019.
Si Alinsunurin ang mopuli sa Italyanong mentor nga si Angiolino Frigoni, kinsa itudlo isip head coach sa Alas Women. Kini nga pagbag-o kabahin sa mas lapad nga pagpangandam sa PNVF alang sa long-term program sa national team, ilabi na sa umaabot nga pag-host sa Pilipinas sa 2029 FIVB Volleyball World Championship.
Samtang, gilauman nga si Frigoni ang mopuli sa liderato sa Alas Women.
Photo courtesy:Dante Alinsunurin fb page
