Naangol ang unang gipili sa 2026 NBA Draft nga si AJ Dybantsa sa Washington Wizards human makaangkon og mild ankle sprain atol sa ilang kataposang preseason game batok sa New Orleans Pelicans.
Nahitabo ang insidente sa ikaduhang quarter sa duwa, dihang dili maayong mitugpa si Dybantsa human sa iyang midrange jumper. Matod ni Wizards Head Coach Brian Keefe, gipagawas ang rookie forward isip pag-amping ug ipaagi sa dugang medikal nga eksaminasyon.
Nakatala si Dybantsa og 12 puntos sulod sa 15 minutos sa wala pa maangol. Napildi ang Wizards sa Pelicans, 107 batok 106, samtang padayong gibantayan ang kahimtang sa ilang top draft pick sa dili pa magsugod ang regular season.
Photo courtesy: BYU ATHLETICS
