Gipasalig sa mga pangulo sa dagkong Multilateral Development Banks o MDBs ang mas lig-ong kooperasyon aron matubag ang nagkadaiyang hagit sa kalibotan, lakip ang kagubot, katalagman ug kakulang sa pondo.
Gipahayag kini human sa ilang panagtigom sa hedkuwarter sa Asian Development Bank sa Mandaluyong City, niadtong nakalabay nga adlaw.
Gihisgutan sa maong panagtigom ang pagdani sa pribadong kapital ug pagpalapad sa kapasidad sa mga bangko sa paghatag og pinansyal nga suporta.
Gipasiugda usab ang hiniusang mga programa aron mapalig-on ang ekonomiya ug kalamboan. Gipasalig sa mga MDBs nga magpadayon ang ilang suporta sa mga nag-uswag nga nasod taliwala sa kawalay kasigurohan sa pangkalibotang ekonomiya.
Photo courtesy:ADB
