Patay ang usa ka Katolikong pari human matumbahan sa dakong krus nga hinimo sa kahoy samtang nagpahigayon og Santos nga Misa sa Guayaquil, Ecuador, niadtong Sabado.
Giila ang biktima nga si Father Patricio Sanchez, kinsa nahulogan ang ulo sa krus ug pulpito sa simbahan sa Our Lady of Perpetual Help.
Nadungog sa live broadcast ang pagsinggit sa mga deboto nga nangayo og tabang sa ambulansya aron matabangan ang pari. Mikaylap sa social media ang video sa makalilisang nga insidente.
Samtang, nagpahayag og dakong kasubo ug pakigduyog ang Archdiocese of Guayaquil ngadto sa pamilya, mga higala ug mga deboto sa namatay nga pari.
