Gipakita sa 93 anyos nga si Clarence Purvis ang iyang walay paglubad nga gugma sa namatay niyang asawa nga si Carolyn, bisan pa sa paglabay sa mga katuigan.
Human sa 63 ka tuig nga kaminyoon, namatay si Carolyn niadtong 2013, apan wala gihapon undangi ni Clarence ang ilang naandang pagpaniudto sa Smith’s Restaurant sa Georgia, Estados Unidos.
Matag pagbisita, iyang gidala ang litrato sa asawa ug gibutang atbang sa iyang lingkoranan. Matod ni Clarence, bisan wala na sa iyang kiliran ang asawa, nagpabilin gihapon kini sa iyang kasingkasing.
Ang ilang istorya nga nahimong bantog niadtong 2017 nagpamatuod nga ang tinuod nga gugma dili matapos bisan pa sa kamatayon.
Photo courtesy: TOP10s
