Mibusikad ug nasunog ang usa ka supertanker nga nagkarga og kapin duha ka milyong bariles sa krudo human kini naigo og naval mine sa Strait of Hormuz, sumala sa Islamic Revolutionary Guard Corps (IRGC) sa Iran.
Matud sa IRGC, misulay matud pa ang maong barko sa pag-agi sa siradong agianan sa tubig nga walay pagtugot, uban sa tabang sa militar sa Estados Unidos.
Wala pa usab magpagawas og opisyal nga pahayag ang US Central Command (CENTCOM) ug UK Maritime Trade Operations (UKMTO) kabahin sa kahimtang sa mga tripulante ug sa gidak-on sa kadaot.
Nahimong sentro sa tensiyon tali sa Washington ug Tehran ang Strait of Hormuz tungod sa dakong papel niini sa pangkalibotang transportasyon sa lana ug liquefied natural gas.
Photo courtesy: Menafn
