Nidaog ang Phoenix Fuel Masters batok sa Meralco Bolts sa 2026 PBA Governors’ Cup niadtong Biyernes sa Ynares Center sa Antipolo. Gipangulohan ni Ricci Rivero ang Phoenix pinaagi sa 26 puntos, siyam ka rebounds, pito ka assists, tulo ka steals ug duha ka blocks.
Mitampo usab ang bag-ong import nga si Marcellus Earlington og 20 puntos ug 14 ka rebounds, samtang si Kai Ballungay mitala og 17 puntos ug si Kenneth Tuffin adunay 16 puntos ug 10 ka rebounds.
Misaka sa 5-3 ang baraha sa Phoenix ug nakaduol sa quarterfinals, samtang natapos ang kampanya sa Meralco sa group stage nga adunay 4-6 nga baraha. Maghulat pa ang Meralco sa resulta sa nahibiling mga duwa sa Group B aron mahibal-an kon makasulod ba gihapon kini sa quarterfinals.
Photo courtesy: ricci rivero Ig
