Patay ang usa ka lalaki nga electrician human makuryentehan samtang nag-ayo sa electrical wiring sa phase 3, Purok Placida, Barangay Calumpang, General Santos City, niadtong nakalabay nga adlaw. Giila ang Biktima nga Si Ronald Albiso, 46 Anyos, usa ka Elektrisyan ug Residente sa maong lugar.
Subay sa imbestigasyon sa kapulisan nga naggamit og hagdanan ang biktima, samtang nag-ayo sa electrical wiring sa iyang pinuy-anan apan atol sa iyang pagtrabaho, aksidenteng nakadikit sa liog niini ang live wire hinungdan nga nakuryente kini ug nahulog gikan sa hagdanan.
Paspas kiining girespondihan sa mga rescue team ug gidala sa Gensan Medical Center sa Calumpang alang sa dinaliang medikal nga atensyon apan sa gihapon gideklara kining patay sa attending physician.
Sa pagkakaron gihaya na sa ilang panimalay ang patayng lawas sa biktima.
