Nakabalik na sa pag-ensayo uban sa iyang team si Golden State Warriors star Stephen Curry human sa injury atol sa ilang open practice niadtong Oktubre 19.
Sumala kang Warriors head coach Steve Kerr, maayo na ang kahimtang ni Curry human kini kalit nga natapilok atol sa non-contact play ug gidala ngadto sa locker room.
Gilauman nga manguna gihapon si Curry sa Warriors sa pagsugod sa 2026–2027 NBA season batok sa Los Angeles Lakers sa Oktubre 22. Ang umaabot nga season maoy ika-18 na ni Curry sa NBA. Sa edad nga 38, nagpakita gihapon siya og impresibong performance nga adunay average nga 26.6 puntos, 4.7 assists, 3.6 rebounds ug 1.1 steals matag duwa.
Photo courtesy: NBA.com
