Nagpahimangno ang United Nations batok sa Super El Niño ug nanawagan og dinaliang aksyon aron maandam ang mga nasud sa posibleng grabeng epekto niini.
Matud ni World Meteorological Organization Secretary-General Celeste Saulo, posibleng molapas sa naandang sukdanan sa kusog sa El Niño sulod sa milabayng upat ka dekada ang umaabot nga panghitabo.
Samtang, matud ni UN Humanitarian Affairs chief Tom Fletcher, lakip sa posibleng grabeng maapektuhan ang Latin America, East ug North Africa, ug Asia lakip ang Pacific Region. Gibanabana usab nga mokabat sa 50 milyones ka tawo ang posibleng mag-atubang sa grabeng kagutom tungod sa epekto niini.
Tungod niini, nanawagan ang UN sa mga gobyerno, development banks ug international pinansyal institusyon nga magtinabangay sa pagpangandam ug pagtabang sa mga komunidad nga labing bulnerable sa wala pa moabot ang grabeng epekto sa El Niño.
