Giaprobahan sa gobyerno sa Italy ubos sa pagpangulo ni Prime Minister Giorgia Meloni ang mas hugot nga mga balaod batok sa mga protestang mosangpot sa kagubot, pagpangawat ug pagpangguba sa mga kabtangan.
Kini human sa kagubot sa amihanang bahin sa Italy, ilabina sa Milan, diin gipangguba ang mga bintana, gitulis ang mga tindahan ug giatake ang kapulisan.
Ubos sa bag-ong balaod, ang mga moapil sa kagubot atol sa protesta mahimong masentensiyahan og hangtod 5 ka tuig nga pagkabilanggo ug multang moabot sa 20,000 euros.
Mahimong manubag usab sa pinansyal ang mga ginikanan sa mga anak nga moapil sa pagpangguba ug pagpangawat. Gipasiugda ni Meloni nga ang pagpangguba ug pagpangawat dili protesta, kondili usa ka kriminalidad.
Photo courtesy: Financial Times
