Mipahigayon sa iyang unang command visit sa Davao del Sur Police Provincial Office o DSPPO si Police Brigadier General Benigno L. Guzman, Acting Regional Director sa Police Regional Office 11.
Ang maong pagbisita kabahin sa pagpalig-on sa koordinasyon, panaghiusa ug kahusayan sa han-ay sa kapulisan sa lalawigan. Gihatagan usab og gibug-aton ang padayong pagpauswag sa serbisyo sa kapulisan aron masiguro ang kalinaw, kahusay ug seguridad sa matag komunidad.
Pinaagi sa maong command visit, gipakita ang lig-ong panaghiusa sa PRO 11 ug DSPPO sa pagpatuman sa ilang katungdanan. Nagpabiling prayoridad sa kapulisan ang matinud-anon nga pagserbisyo ug pagpanalipod sa kaluwasan sa katawhan sa Davao del Sur.
Photo courtesy: Police-Big Brother
