Gikumpirma sa mga doktor sa Vatican nga dili na kinahanglan nga mopaubos sa dugang nga therapy o pamaagi sa pagtambal si Pope Leo XIV human sa malampusong operasyon sa pagtangtang sa usa ka cancerous tumor sa iyang baga. Sumala sa opisyal nga pamahayag, localised o wala mikaylap ang kanser ug natangtang kini sa pag-opera sa tuong baga sa 71-anyos nga Santo Papa didto sa Gemelli Hospital sa Rome niadtong Oktubre 13.
Nakagawas na sa ospital ang Santo Papa niadtong Oktubre 17 ug hinay-hinay nang gipadayon ang iyang mga katungdanan sa Simbahan. Walay pagbag-o usab sa iyang nakatakdang pagbisita sa South America—partikular sa Uruguay, Argentina, ug Peru gikan sa Nobyembre 6 hangtod 17—samtang dako ang pasalamat sa mga sumusunod human nahupay ang ilang kabalaka.
Photo courtesy:Euro News
