Patay ang duha ka driver human nabangga ang ilang gimanehong motorsiklo sa National Road, Purok 6, Puntian, Quezon, Bukidnon, alas 5:50 sa buntag Oktubre 22, 2026.
Giila ang mga biktima nga sila si Elmer A. Parba, 51 anyos, taga-Baliok, Talomo, Davao City, ug Daren M. Bacoy, 29 anyos, taga-Lumbayao, Valencia City, Bukidnon, kinsa pulos gideklarang dead on arrival sa balay – tambalanan. Samtang, naangol usab ug gihatagan sa medikal nga pag-atiman ang backrider ni Parba nga si Josephine J. Teñajora, 43 anyos.
Base sa inisyal nga imbestigasyon ug pamahayag sa mga nakasaksi, giingong mitipas sa pikas lane sa dalan ang gimanehong motorsiklo ni Bacoy nga maoy hinungdan sa pagbangga.
Sa karon nakakostudiya na sa Quezon Municipal Police Station ang duha ka motorsiklo alang sa dugang nga imbestigasyon
