Siyam ka indibidwal ang gidakop sa Philippine Drug Enforcement Agency o PDEA Region 10 atol sa buy-bust operation nga misangpot sa pagkapuhag sa giingong drug den sa usa ka subdivision sa Barangay Balulang, Cagayan de Oro City.
Sumala sa PDEA-10, usa sa mga gidakop giila nga giingong nagdumala sa maong drug den. Naimbarag sa operasyon ang walo ka sachet sa gituohang shabu nga motimbang sa kinse ka gramo, nga nagkantidad og kapin 102 mil pesos, lakip ang marijuana kush nga motimbang og lima ka gramo, nga nagkantidad og 6 mil pesos.
Narekober usab ang mga drug paraphernalia, cellphone ug usa ka pickup truck. Ang siyam ka gidakpan mag-atubang og mga kaso kalabot sa paglapas sa Comprehensive Dangerous Drugs Act of 2002.
Photo courtesy: PDEA Dyes
