Gipunting sa DepEd Cagayan de Oro City Division nga gawas sa kamahinungdanon sa pagpalig-on sa seguridad sa sulod ug gawas sa mga tunghaan, labing mahinungdanon sab nga masusi ang kahimsog ug kahimtang sa pangisip sa mga kabataang magtutungha.
Sumala pa ni DedEd-Cdo Division Spokesperson Romeo Aclo nga sa balay palang daan, maayong masiguro sa mga ginikanan nga mahatagan nilag saktong panahon ang ilahang mga anak labi na nga makamusta sila sa ilahang kahimtang ug kung unsa ilahang mga saluobin o ginahuna-huna.
Importante nga masiguro ang kahimsog sa mental state sa mga bata aron nga dili mahimong rason sa pagbasol sa umaabot.
Gawas sa pagtutok sa mga ginikanan, gibutyag ni Aclo nga padayon ang ilahang hiring ug pagbansay sa mga guidance councilor associates labi na nga dako pa ang kakulangon sa ilahang ihap sa tibuok dibisyon.
Kini sila ang mutabang sab sa pagmonitor sa mga bata ug kaduolan kung adunay but-ag nga ginaagian ang usa ka bata.
Dugang ni Aclo, ang pagsiguro sa kalusawan sa mga bata ug pag-atiman sa ilahang mga panginahanglan, responsibilidad dili lang sa tunghaan apan labi na sa mga ginikanan ug sa komunidad.
Photo courtesy: DepEd Tayo Cagayan de Oro City
