Gidakop sa hiniusang buy-bust operation sa Philippine Drug Enforcement Agency Region 10 o PDEA-10 ang usa ka gidudahang drug pusher sa Zone 6, Barangay Canitoan, Cagayan de Oro City.
Giila ni PDEA-10 Regional Director Alex M. Tablate ang dinakpan sa alyas nga “Mic,” 33 anyos, residente sa lugar ug empleyado sa Road and Traffic Administration o RTA sa dakbayan.
Naimbarag sa operasyon ang unom ka sachet sa gidudahang shabu nga may gibug-aton nga mokabat sa usa ka gramo ug nagkantidad og 6,800 pesos, lakip ang coin purse ug buy-bust money.
Gibalhug ang suspetsado sa detention facility sa PDEA-10 samtang giandam ang pagsang-at sa mga kasong paglapas sa Sections 5 ug 11, Article II sa Republic Act 9165, o Comprehensive Dangerous Drugs Act of 2002.
Photo courtesy: PDEA Dyes
