Nadakpan sa kapulisan ang usa ka 23-anyos nga lalaki nga apil sa Regional Top 8 Most Wanted Persons sa Region 12 tungod sa mga kasong kalabot sa giingong paglapas sa Anti-Online Sexual Abuse or Exploitation of Children o OSAEC, ug Anti-Child Sexual Abuse or Exploitation Materials o CSAEM Act.
Giila ang dinakpan sa alyas nga “Jeff,” kinsa gidakop sa tracker team sa Police Station 4 sa General Santos City Police Office, kauban ang mga operatiba sa CIDG-12 ug Regional Anti-Cybercrime Unit 12, alas 5 sa hapon niadtong Oktubre 22, sa Nuñez Street, Purok Malakas, Barangay San Isidro, General Santos City.
Gipahigayon ang pagdakop pinaagi sa warrant of arrest nga gi-isyu sa Regional Trial Court sa General Santos City niadtong Oktubre 22, 2026, tungod sa giingong paglapas sa Section 4(m) ug unom ka counts ubos sa Section 4(a) sa Republic Act 11930.
Walay girekomendar nga piyansa alang sa maong mga kaso. Sa pagkakaron, anaa na sa temporaryong kustodiya sa arresting office ang suspek samtang gihulat ang commitment order gikan sa korte.
