Nadakpan sa kapulisan ang usa ka wanted person nga nalakip sa Top 9 Regional Most Wanted Persons sa rehiyon atol sa gipakusgang manhunt operation sa Barangay Suli, Kiamba, Sarangani Province niadtong Oktubre 21, 2026.
Gipahigayon ang operasyon sa Kiamba Municipal Police Station, sa koordinasyon sa mga intelligence operatives sa 1204th RMFB 12, 2nd SPMFC, Sarangani Police Provincial Office–Provincial Intelligence Unit, ug Kiamba Municipal Law Enforcement Team.
Ang pagdakop gibase sa mga warrant of arrest nga giisyu sa hustong korte kalabot sa tulo ka kaso sa giingong statutory rape. Human sa pagdakop, gipahibalo ang suspek sa hinungdan sa iyang pag-aresto ug sa iyang mga katungod ubos sa balaod.
Anaa na siya karon sa kustodiya sa kapulisan alang sa dokumentasyon ug tukmang legal nga proseso. Padayon ang kapulisan sa pagpahigayon og manhunt operations aron madakpan ang mga wanted person ug maatubang nila ang mga kasong giatubang sa hustong korte.
Photo courtesy: Kiamba MPS
