Patay ang duha (2) ka indibidwal ug tulo (3) ang samdan sa nahitabong pagpamusil niadtong Oktubre 22, 2026, sa National Highway sa Barangay Lower Sapad, Sapad, Lanao del Norte.
Base sa inisyal nga imbestigasyon sa Sapad Municipal Police Station (MPS), duha ka lalaki ang namatay, samtang duha ka babaye ug usa ka lalaki ang nakaangkon og samad pinusilan ug gidala sa Kapatagan Provincial Hospital alang sa medikal nga pagtambal.
Sa dugang pagsusi, sa dihang nakadawat og taho ang kapulisan gikan sa usa ka concerned citizen kalabot sa mga buto sa armas, dali nga mitubag ang kapulisan, ug nagpahigayon sa pagproseso sa mga ebidensiya uban sa Lanao del Norte Provincial Forensic Unit.
Gikatahong, nikalagiw ang wala pa mailhing mga suspek sakay sa wala matino nga sakyanan padulong sa wala mailhing direksiyon, hinungdan nga gilusad sa kapulisan ang hot pursuit operation ug gipalihok ang Containment Ring Plan aron posibleng masagang ug madakpan ang mga responsable.
Padayon karon ang hingpit ug walay pinalabi nga imbestigasyon aron matino ang motibo sa pagpamusil ug mailhan ang mga suspek.
Giawhag sa Sapad MPS ang publiko nga magpabiling kalmado, dili magpakaylap og dili kumpirmadong impormasyon ug motabang sa mga otoridad pinaagi sa paghatag sa bisan unsang may kalabotang impormasyon.
Photo Courtesy: Wikimedia common
