Duha ka lalaki ang arestado human masakmitan og 42 ka ream sa gituohang smuggled cigarettes sa anti-smuggling operation sa Purok 4, Barangay Colon, Maasim, Sarangani Province, alas dos pasado sa kaadlawon niadtong Oktubre 21, 2026.
Sumala sa Maasim Municipal Police Station, nadiskobrehan sa mga pulis ang mga sigarilyo sulod sa dakong puti nga sako nga gidala sa duha ka suspek atol sa ilang patrol operation. Napakyas ang mga suspek sa pagpakita sa legal nga dokumento alang sa maong mga produkto, hinungdan sa ilang pagdakop.
Narekober sa operasyon ang 27 ka ream sa Gajah Baru, 10 ka ream sa Fort, ug lima ka ream sa New Berlin nga sigarilyo, nga adunay kinatibuk-ang gibanabanang kantidad nga 35 mil 938 pesos ug 56 sentimos.
Ang mga nakumpiskang sigarilyo itugyan ngadto sa Bureau of Customs alang sa hustong disposisyon. Padayon ang kampanya sa kapulisan batok sa smuggling ug uban pang ilegal nga kalihokan sa lalawigan sa Sarangani.|
Photo courtesy: SPPO
