Nagpadayon og libreng neuter o kapon activity ang City Veterinary Office sa Mati isip kabahin sa ilang mga programa aron makontrol ang padayon nga pagdaghan sa populasyon sa mga iro ug iring sa komunidad nga maka pataas usab sa risgo sa rabies.
Pinaagi niini, natabangan ang mga pet owner sa responsable nga pag-atiman sa ilang mga binuhi ug pagkontrol sa ilang pagpanganak. Gilaoman usab nga makatampo ang maong programa sa pagpakunhod sa gidaghanon sa mga iro ug iring nga walay tag-iya nga nagsuroy-suroy sa kadalanan.
Kabahin kini sa mga paningkamot sa lokal nga panggamhanan sa pagpalambo sa kaayohan sa mga hayop ug pagpanalipod sa kahimsog ug kaluwasan sa komunidad.
Photo courtesy: City Veterinary
